FaTma HaMaDaH وانا اتابع التويتر شفت تغريدة اختي
في تغريدتها تقول
عبالكم جاي كرك سهل ؟؟ هذي سابع مطاره اسويها ليما الحين ماضبط الطعم
رديت عليها وقلت لها سهل وعلى حسب الخلطة والكمية
ولاني وعدتها اعلمها وصفتي الخاصة بالكرك
سمعي يا فطووم طريقة الكرك القطري
المكونات اول شي
شاي من نوع ريد ليبل وموجود بمركز سلطان
هيل
زعفران
ماي
وحليب بو قوس
تبدلين المكونات ما راح تضبط
الحين المقادير بالتمام والكمال
٥ ملاعق طعام سكر
ملعقتين طعام شاي ..
ربع ملعقة شاي هيل ..
ربع ملعقة شاي زعفران ..
علبة حليب بوقوس..
قارورتين ماء الحجم الوسط ..
الحين نختار وعاء ونحط فية الماي وعلى نار عالية
ونضيف الشاي
والهيل
والزعفران
والشكر
ونخلط المكونات
ونخليها على درجة نار عليه
وبعد الخلط نخلية يغلي على راحته
وبس يوصل مرحلة الغليان العالية نفس
الصورة وتطلع الفقاعات برتقالية
في هذي اللحظه بسرعة نضيف حليب بوقوس
ونخلية على نار هادية شوية
ونتركة يغلي بالراحة لمدة 8 دقايق
وبعد ما نشوفة وصل مرحلة الغليان نطفي النار
ونصفية من الشوائب ونحطة في المطارة
وبعدين نستمتع بكرك من أكون
وانصحكم بهذا البسكوت مع شاي الكرك من مركز سلطان
وعليكم بالعاافية مقدما
Reblog: http://www.meenakon.com/14074.html
No comments:
Post a Comment